Top-menejerga pullar “dabdabali turmush tarzini moliyalashtirish uchun” zarur bo‘lgan».
Barbara Ferlou-Smaylz Facebook kompaniyasida 2017-2021-yillarda ishlagan hamda irqiy xilma-xillik, tenglik va inklyuzivlik bo‘yicha turli dasturlar uchun mas’ul hisoblangan. Bunday lavozim Barbaraga kompaniyaning kredit kartalaridan foydalanish hamda xaridlarga buyurtmalarni mustaqil jo‘natish, yetkazib beruvchilar uchun hisoblarni tasdiqlash imkonini bergan.
Barbara Ferlou-Smaylz 2020-yil 8-martda Sisters’ Awards 2020 mukofotlarini topshirish marosimida. Foto: Robin L Marshall/Getty Images
Prokuratura ma’lumotlarida qayd etilishicha, “ochko‘zlik tutqunligida harakat qilgan Barbara o‘zining direktor lavozimida bo‘lgan vaqtidan murakkab jinoiy sxemani tashkil qilish uchun foydalangan. Ushbu sxema doirasida sotuvchilar unga naqd pulda pora to‘lagan. U o‘z jinoiy harakatlariga qarindoshlari, do‘stlari va boshqa odamlarni ham jalb qilgan va bularning barchasi og‘ir va halol ish emas, balki firibgarlik hisobiga dabdabali turmush kechirishni moliyalashtirish uchun amalga oshirilgan”.
Ba’zan Barbara shunchaki shaxsiy xarajatlarini ham Facebook kartalaridan to‘lagan. Masalan, farzandi uchun maktabgacha ta’lim muassasasiga to‘lov kompaniya hisobidan o‘tkazilgan.
Bu ish bo‘yicha tergov FQB tomonidan olib borilgan. Ferlou-Smaylz ishi bo‘yicha hukm 2024-yil 19-martda e’lon qilinadi.
