2020 йил чинакамига ўзгача йил бўлди, айнан шунинг учун ушбу нашр бошқаларига умуман ўхшамайди. Мамлакатдаги ҳозирги вазият ҳисобга олинса, барча мутлақо янги ёндашувни талаб қиладиган жуда кўп қийинчиликларга дуч келди. Аммо янги шарт-шароитлар — бу янги қоидалар. Кутиб олинг, янги нашр!
Ўзбекистонда бизнеснинг турли соҳалари бардошлилик бўйича синовдан ўтганми? Кимлар вазиятга мослашди ва кимлар ўйин қоидаларини ўзгартирди? Биз буларнинг барчасини «COVID-19 vs Бизнес» махсус лойиҳасида билиб олдик. Маданият вазири Озодбек Назарбеков ва Podium Italia компанияси креатив директори Саидазим Фозилов мамлакатнинг маданият ва мода соҳалари коронаинқирозни қандай бошдан кечираётгани ҳақида сўзлаб беришди.
Қийин вақтларда ҳаммани мавҳумлик қўрқитади, шу сабабли, аҳолини ташвишга солаётган саволлар билан Соғлиқни сақлаш вазирлигининг бош инфекционисти Эркин Мусабоевга мурожаат қилдик. Бундан ташқари, биз Алишер Саъдуллаев бошчилигидаги Хайрия ишларини ягона мувофиқлаштириш марказининг кўнгиллилари билан суҳбатлашдик.
Барчамиз қийин дамларни бошдан кечираётган бўлсак-да, сиз ўзингизни баъзан кўнгилга озор берадиган янгиликлардан чалғитишга ҳаракат қилинг. Ҳар лаҳзани қадрланг, яхшилик изланг ва бир-бирингизни қўллаб-қувватланг – бир кун ҳаммаси ўз ўрнига қайтади.
