Мақоламизда 2 сентябрь ҳолатига коронавирус пандемиясининг Ўзбекистон ва дунёда тарқалиши ҳақида муҳим ва қизиқарли янгиликларни ўқинг. 


Дунёда:

  • Касалликга чалинганлар: 25.9 млн киши
  • Соғайганлар: 18.2 млн киши
  • Вафот этганлар: 861 900 киши

Дунёда зарарланганлар ва вафот этганлар сони бўйича АҚШ, Бразилия ва Ҳиндистон етакчилик қилмоқда. 

Соғайганлар фоизи:

  • АҚШ — 55.9%
  • Бразилия — 79.9%
  • Ҳиндистон — 76.9%
  • Россия — 81.7%

Вафот этганлар фоизи:

  • АҚШ — 3%
  • Бразилия — 3.1%
  • Ҳиндистон — 1.8%
  • Россия — 1.7%

Ўзбекистонда:

  • Касалликга чалинганлар: 42 437 киши
  • Соғайганлар: 39 862 киши
  • Вафот этганлар: 326 киши

Сўнгги бир ҳафта ичида юқтирганлар сони 39 156 кишидан 42 437 кишига ўсди ва 3 281 янги ҳолатга кўпайди. Таққослаш учун: олдинги ҳафтада бу кўрсаткич +3 454 та ҳолатни ташкил этган. Шу билан бирга, шу даврда 4 875 киши соғайиб кетди. Шундай қилиб, мамлакатда соғайиш даражаси 93,6% (ўтган ҳафта – 90%), ўлим даражаси эса 0,8% ни ташкил қилади. CОВИД-19 инфекцияси билан зарарланганлар кўпроқ Тошкент, Тошкент ва Андижон вилоятларида аниқланди.

Ўзбекистондаги муҳим янгиликлар:

— Академик лицейларда ўқув йили масофадан ўқитиш билан бошланди. Бундан ташқари, бугундан олий ўқув юртларига кириш имтиҳонлари бошланди. Улар очиқ ҳавода ва икки сменада ўтказилади.

— 1 сентябрдан бошлаб Ўзбекистон аҳолиси мажбурий карантинга олинмасдан Қирғизистонга ташриф буюриши мумкин.

— Uzbekistan Airways барча халқаро рейсларни босқичма-босқич давом эттиришни режалаштирмоқда.

— 5 сентябрдан бошлаб Ўзбекистон ҳукумати жума намози жамоат билан ўқилишига, умумий овқатланиш шахобчалари, кинотеатрлар, театрлар ва бошқа объектларнинг фаолият кўрсатишига рухсат берди.

— Тошкентда «Мурувват ва соғлик» жамғармасидан 2,8 миллиард сўм ноқонуний ўзлаштирилди. Ушбу маблағ коронавирусга қарши курашиш учун ажратилган эди.

— Тошкентда ерости метроси, шунингдек, Юнусобод линиясидаги иккита янги станция очилди.


Дунёдаги муҳим янгиликлар:

— CNN канали хабар қилишича, коронавирус инфекцияси билан қайта зарарланиш биринчи маротаба АҚШда қайд этилган. Тадқиқотларга кўра бемор касалликнинг 2 хил турини юқтириб олган.

— 1 сентабрдан Уҳанда барча мактаблар очилди. Мактаб ўқувчиларига ниқоб тақиш ва жамоат транспортидан фойдаланишдан йироқ бўлиш тавсия этилди.

— Францияда март ойидан буён юқтириб олиш ҳолатлари максимал ўсиш даражасига етгани қайд этилди.

— Испания ва Қўшма Штатлар демографлари йигирмадан зиёд мамлакат аҳолиси — 13 миллиондан ортиқ одам ўртасида сўров ўтказдилар. Сўралганларнинг 70 фоиздан кўпроғи коронавирусга қарши эмлатиш истагини билдирган.

— Жанубий Корея ҳукумати Сеулдаги барча мактабларни ёпишга қарор қилди. 11 сентябргача ўқувчилар масофадан туриб ўқийдилар

— Бали йил охиригача сайёҳлар учун ёпиқ қолади.

— Польша Россия билан ҳаво қатновига қўйилган тақиқни бекор қилди.

— Ўтган кун давомида Туркманистонда коронавирус инфекциясининг янги ҳолати аниқланмади.

— Буюк Британияда қасддан йўталиш ва коронавирусга оид ҳазиллар тақиқланди.

Мақолани тайёрлади: Екатерина Спрыскова
Фото муаллифи:
Стилист:
Фойдаланилди:
Manba:
Телеграм-каналимизга обуна бўлинг
Долзарб янгиликлар каналда
Kunlik dayjest
Eng sara maqolalarni pochtangizda qabul qiling

Изохлар